काठमाडौँको सिनामंगल स्थित केएमसी अस्पतालमा उपचारका लागि पुर्याइएका एकजना सामान्य विरामीलाई डाक्टरहरुले मृ त घोषणा गरेपछि आफन्तहरु आन्दोलनमा उत्रिएका हुन् ।
इलाम घर भइ हाल काठमाडौँको बत्तिसपुतली बस्दै आएका पदमलाल रिजाललाई हिजो छाती र पेटमा समस्या देखिएपछि अपरान्ह ४ बजेतिर आफन्तले अस्पताल लगेका थिए साँझ साढे सात बजेतिर उनलाई मृ त घोषणा गरिएको थियो । चिकित्सकको हेलचेक्र्याइँले विरामीको ज्या न गएको भन्दै अहिले आफन्त र परिवारले अस्पताल परिसरमै नाराबाजी थालेका छन् ।
यसबारे जनआस्थाले केएमसी अस्पतालमा कार्यरत डाक्टर प्रेम थापालाई सम्पर्क गरेर बुझ्न खोजेको थियो । तर उनले तत्काल केही बोल्न नमिल्ने बताए । उनले भने’हामी छलफल गरिरहेका छौ ।
त्यस्तै, अस्पतालमै कार्यरत नर्स पूजा कार्कीले आफन्तका परिवारसँग छलफल गर्न अस्पताल प्रशासनले वातावरण बनाइरहेको बताइन् । उनले भनिन्, ‘अहिले सरहरु यसकै मिटिङमा हुनुहुन्छ । उहाँ (मृतक)को परिवारसँग कुरा मिलेपछि बाँकी कुरा गरौँला
