काठमाडौँ । ‘शुभद्रा मदन फाउन्डेसन’ मा बसेर पढ्ने बालिका र किशोरीहरूलाई यौन दुर्व्यवहार गर्ने गरेको आरोप लागेका मदन राईलाई प्रहरीले पक्राउ गरेको छ । उहाँलाई फाउन्डेसनबाटै शुक्रबार पक्राउ गरिएको प्रहरीले जनाएको छ ।

Advertisement

जिल्ला प्रहरी कार्यालय खोटाङले राईलाई पक्राउ गरिएको बताएको हो । उहाँलाई फाउन्डेसनबाटै पक्राउ गरिएको हो । फाउन्डेसनका संस्थापक समेत रहेका ७५ वर्षीय मदनले किशोरीहरुका संवेदनशील अंगमा हात हाल्ने, शारीरिक सम्पर्कका लागि आग्रह गर्ने, आफ्ना गोप्य अंगमा छुन लगाउने, नग्न शरीर देखाएर अश्लील हर्कत गर्ने गरेको किशोरीहरूको उजुरीमा थियो । यस विषयमा एक सञ्चार माध्यमले समाचार प्रकाशन गरेको थियो । त्यस पछि उहाँलाई प्रहरीले पक्राउ गरेको हो ।