काठमाडौँ । दुवईमा जन्मकैदको सजाय पाउनु भएका युवालाई उद्योगि दुर्गा प्रसाईले उद्दार गर्नु भएको छ । दुबईको जेलमा ६ वर्षदेखी जेल जिवन विताईरहनु भएका सिन्धुपाल्चोकका ३२ वर्षिय धिरेन श्रेष्ठको प्रसाईले उद्दार गर्नु भएको हो । वैदेशिक रोजगारिका लागि दुबई पठाएको छोरो विश्वकै कठोर कानुन भएको देशमा जन्मकैदको सजायमा हुँदा उहाँको परिवार निकै चिन्तामा थियो । ६ वर्षको अवधिमा परिवारले नेपाल सरकार देखि विभिन्न संघसंस्था तथा दुवईमा भएको दुतावासमा धाउदा पनि कुनै सुनुवाई भएको थिएन ।
दुर्गा प्रसाईले विदेशको जेलमा जेलजिवन विताईरहेका नेपालीहरुको उद्दार गर्नुहुन्छ भन्ने सुनेर दुर्गा प्रसाईलाई भेटेपछि उहाँको पहलमा श्रेष्ठलाई नेपाल ल्याईएको परिवार स्रोतले बताएको छ । ‘मैले सपनामा पनि सोचेको थिईन यति छिट्टै जेलबाट निस्केर नेपाल फर्कन्छु, आफ्नो परिवारलाई भेट्न अनि नेपालको माटो फेरी छुन पाउछु भनेर । सायद दुर्गा प्रसाई नभईदिनु भएको भए अझ उहाँले पहल नगरिदिनु भएको भए त्यहि जेलमै मेरो सम्पुर्ण जीवन जाने थियो होला ।’ उद्दार गरिएका श्रेष्ठले भन्नु भयो ।
दुर्गा प्रसाईले केही वर्ष यता विदेशमा सजाए काटिरहेका नेपाली युवाहरुको उद्दार गर्दै आउनु भएको छ । उहाँ मेडिकल व्यवसायि संगै एक अभियान्ता समेत हुनुहुन्छ ।
