काठमाडौं । राष्ट्रिय स्वतन्त्र पार्टीका सभापति तथा सांसद रवि लामिछानेले सरकारलाई दिएको समर्थन फिर्ता लिने संभावना भएको बताउनु भएको छ ।शुक्रबार सिंहदरबारमा सांसद पदको शपथ लिएलगतै पत्रकारहरुको प्रश्नको जवाफ दिँदै उहाँले सरकारमा जाने कुरामा कुनै सोचाइ नभएको र त्यस किसिमको वातावरण पनि नबनेको बताउनु भयो।
आफ्नो दल अस्थिरताको पक्षमा नरहेको पनि स्पष्ट पार्दै उहाँले आफूले समर्थन पाइरहुँ भन्नका लागि न्यूनतम ठाउँ राख्नुपर्ने र त्यो ठाउँ राखेको छ कि छैन भन्ने कुरा पुनरावलोकनको विषय बनेको बताउनु भयो । यसबारेमा पार्टीमा र संसदीय दलमा छलफल गरेर मात्र अगाडि बढ्ने उहाँको भनाइ छ ।प्रधानमन्त्रीसँग भएको कुराकानीबारे सोधिएको प्रश्नमा उहाँले भन्नुभयो ‘प्रधानमन्त्रीले बधाई दिनको लागि मात्र फोन गर्नुभएको हो । यस्तो सुनेको थिएँ के हो भनेर चासोसम्म राख्नुभएको थियो । सरकार सम्बन्धी त्यस्तो गम्भीर छलफल भएको हैन, उहाँले मलाई बधाई दिन फोन गर्नुभएको थियो।’
उहाँले विभिन्न कुरामा गम्भिर छलफल गर्नु पर्ने पनि बताउनु भयो ।
